Peb yog leej twg? Nyob qhov twg?
Peb yog Hmoob Ameskas & Fabkis. Peb lub company hu ua "Amicall2laos LLC" Peb muag dab tsi? Peb muag "Xov Tooj (IP-PBX)" thiab muag nqe "Hu Xov Tooj (VoIP phone services)" mus kev deb pheej yig rau tsoom niam txiv kwv tij neej tsa hmoob tsis hais tus yuav nyob Blog teb, Nyab Laj teb, Thaib teb qhov twg xij peem hu tau tas nrho huv tib si -
Hu mus txawv teb chaws tus nqe hu pheej yig ib yam li siv foos cards tab sis qhov zoo yog peb lub conpany tsis txia nej nyiaj thaum nej hu thawj zaus (connection fees) thiab thaum lub sij hawm nej tsis hu los hais tias nej tsis siv lawm (maintenance fees).
Lub xov tooj IP-PBX yog dab tsi? IP-PBX (Internet Protocol Private Branch eXchange)yog ib lub xov tooj (device) tsim los txais xov tooj los tau, kaw lus cia los tau, xa tuaj raw koj qab los tau, hu taug koj lw los tau, koj hu tawm mus los tau, muaj ntau yam lub xov tooj no ua tau rau nej.
Nej leej twg nyob Ameskas teb, Blog teb, Thaib teb, Nyab Laj teb, los hais tias Fabkis teb, es nej muaj me tub me nyuam, muaj poj niam tub se, los hais tias txheeb ze, nyob rau cov teb chaws hais los saum toj no... thiab muaj nyob rau Australia, Guyane (French Guiana), Argentina mus rau Germany, es nej muaj kev sib nco sib hu xov tooj mus mus..los los txhua txhua asthiv (week), txhua txhua hli (month), peb muag nqe xov tooj hu pheej yig thiab yooj yim heev rau nej sib hu.
Txawm hais tias yuav nyob deb, ib leeg nyob ib sab ntuj los peb ua tau rau nej sib hu sib tham pheej yig dua nej siv nej cov foos ntawm tes(cell phone) thiab hauv tsev hu. Qho tseem ceeb yog qhov hais tias, nqe xov tooj hu yuav tsum them ua ntej tso thiaj yuav muab tau rau nej hu. Yog thaum peb muab rau nej hu lawm, nej yuav siv nej lub foos ntawm tes (Cell phone) foos hauv vaj hauv tsev hu los tau ib yam nkaus.
Hu Zoo li cas? Kev hu ces zoo ib yam nkaus li nej siv cov foos hauv vaj hauv tsev hu los hais tias cov foos cards nej yuav tom taj laj los hu. Qhov txawv yog qhov hais tias peb tsis muaj daim foos cards muab cev rau nej tuav ntawm tes. Tab sis nej nyob qhov twg, qab teb-qaum teb, txawv teb chaws los peb muab tau rau nej hu yog hais tias nej them tus nqe hu lawm.
(--->click here) Peb muaj ob - peb - yam nqe foos rau nej hu (nyem tau ntawm no - click here). Feem ntau yog hu mus hauv "Internet" mus."Voip phone calling". Txhob poob siab nyob tsam hais tias siv Internet hu xwb ces nej yuav hnov lub suab tsis tseeb thiab tsis zoo. Tsis tas li ntawd,twb poob siab hais tias tsis muaj Internet hauv vaj hauv tsev ces ntshe haj yam yuav hu tsis tau ntxiv.
Nco ntsoov hais tias, cov "foos cards" nej yuav tom taj laj los hu mus rau nej cov kwvtij nyob tim ub tim no, tim Blog teb, Thaib teb, Asmeskas teb, Fabkis teb yog hu tag nrho mus hauv "Internet" mus xwb. Cov peb muag thiab yuav muab rau nej hu, nws hu tib yam nkaus li ntawd. Muaj tej qho, peb muab thiab peb muaj tseem yooj yim thiab pheej yig dua ntawd thiab.
Hu nyob USA thiab Canada, ib hlis yog $19.95. Nyob hauv tus nqe no, koj xav hu thaum twg los tau. Lawv hu ua lus Asmeskas hais tias (Unlimited calls). Nws yog ib qho "plan".
Yog xav hu kom tau ntau 40 lub teb chaw, ib hlis yog $29.95. Nyob hauv tus nqe no muaj 38 lub teb chaws - muaj Thaib teb nrog.
Yog xav paub ntxiv, hu xov tooj mus rau peb. Muaj qhov twg yuav pab tau rau nej kom nej txhob poob nyiaj thiab them kim, peb yuav pab thiab ua kom tau raws li nej lub siab xav tsis hais tus yuav nyob rau qhov twg xij peem, Blog teb, Thaib teb, Ameskas teb, Fabkis teb, peb yuav pab kom tau li qhov peb yuav pab nej tau. Peb tus xov tooj yog :(612)604-4289 or (763) 515-4983
Lus tshaj tawn ntxiv. Yog nej leej twg muaj noj muaj haus, muaj ib siab ob qig, muaj kab tshoob kev kos, muaj kev sib tham nyob ib qho chaw qhov twg , muaj niam txiv kwv tij neej tsa phooj ywg coob, tus nyob deb nyob ze, nej yuav hu tsis txhij tsis txhua vim nej muaj hauj lwm ntau thiab tsis muaj lub caij los hu, los hais tias tsis muaj sij hawm los zaum tsaws hu ib tug dhau mus rau ib tug zuj zus, teem caij teem nyoog rau lawv tuaj ntsib, tuaj tham tuaj saib tuaj noj tuaj xyuas...peb muaj kev pab nej hu tau rau nej sai li sai tau. Nej muab tuaj rau peb pab hu rau nej. Peb muab "computer" hu rau nej. Tsis hais tus nyob deb nyob ze nyob txawv teb chaws, peb hu kom tau rau nej....Nqe hu yog pes tsawg, xav paub hu rau peb tus xov tooj qhia saum toj no, peb mam tham.
(Cov ntawv saum toj no, yog muaj qhov twg cov ntawv sau hloov ua lwm yam xim Ntsuab, Liab, Xiav, Daj los hais tias txawv xim "color"..es kos ib kab nyob hauv qab nrog...yog txhais tau hais tias nej nias "Click" rau ces nws coj nej mus rau ib daim ntawv sau txawv thiab nyob rau ib phab ntawv tshiab lawm "new page". Piv txwv li kab: " Nyob hauv tus nqi no muaj 36 lub teb chaws" saum toj no, yog koj nias "click" rau nws coj koj mus rau daim hais tias:)
